ராஜாவும் மந்திரியும் ஒரு நாள் மாலை நேரம் ஒரு ஆற்றங்கரை ஓரமா சென்று கொண்டிருந்தனர்.
அங்கே வெள்ளரிக்காய் காய்ச்சு தொங்குவதை பார்த்த ராஜா... 'மந்திரியாரே அந்த வெள்ளரிக்காய பறிச்சுட்டு வாங்க சாப்பிடலாம்’ன்னு சொன்னார்.மந்திரி பறிக்க போனார்.
அங்கே உட்கார்ந்திருந்த ஒரு குருடன் சொன்னான். 'ஐயா அதுவெள்ளரிக்காய் இல்ல. அது குமட்டிக் காய்.அது சாப்பிட்டால் வாந்தி தான் வரும்'என்று.
உடனே ராஜா சொன்னார். “மந்திரியாரே அதபறிச்சு சாப்பிடுங்கள் வாந்தி வருதான்னுபாக்கலாம்” என்று.
வேற வழி இல்லாம மந்திரியும் கட்டளைக்கு பயந்து சாப்பிட்டார். உடனே மந்திரிக்கு ஒரே வாந்தி,ராஜா குருடனைப் பார்த்து, "இதுக்கு என்னதீர்வு.?” என்று கேட்டார்.
அதற்கு அவன் ‘மன்னா! பக்கத்துல ஒரு கை மாதிரி பச்சை இலை இருக்கும். அத கையில கசக்கி மந்திரி வாயில விட்டா வாந்தி நிற்கும் என்று சொன்னார்.
ராஜாவும் அப்படியே பண்ண... மந்திரிக்கு வாந்தி நின்று விட்டது . மந்திரிக்கு போன உயிர் திரும்பி வந்தது.
ராஜா குருடனை பார்த்துக் கேட்டார். 'உனக்குத் தான் கண் தெரியாதே..... எப்படி சரியா தீர்வு சொன்னாய்.?' அதற்கு அவன் சொன்னான். 'ராஜா..! இந்த நாட்ல எங்கேயும் பஞ்சம் பசி பட்டினி. அப்படி இருக்கும் போது எவனாவது வெள்ளரிக்காயை விட்டு வச்சிருப்பானா.? எப்பவும் இயற்கை ஒரு நோய் கொடுக்கற காய கொடுத்தா இறைவன் பக்கத்துலயே ஒரு மாற்று மருந்து வெச்சிடுவார்' என்று.
ராஜாவுக்கு சந்தோஷம்,
'இந்தா ஒரு டோக்கன். என் அரண்மனையின் கிழக்கு வாசலுக்கு போ. சாதம் கொடுப்பார்கள். போய் சாப்பிடு....'சொல்லிவிட்டு ராஜா சென்று விட்டார். கொஞ்ச நாள் கழித்து ஒரு வைர வியாபாரி 'ராஜா என்கிட்ட விலை மதிப்பற்ற வைரக் கற்கள் நிறைய இருக்கின்றன வாங்குறீங்களா?’ ன்னு கேட்டான்.
அந்த வைரக்கற்களை பார்த்த ராஜாவுக்கு இவை அசலா, போலியா என்ற குழப்பம். மந்திரிய கூப்பிட்டார்.
ஏற்கனவே ஒரு தடவை வாந்தி எடுத்த அனுபவம் இருந்ததால...
வைரத்தை முழுங்கித்தொலைக்கச் சொன்னால் என்ன பண்றதுன்னு பயந்து தெரியாதுன்னுட்டார்.
உடனே ராஜா 'மந்திரியாரே,போய் அந்த குருடனைக் கூட்டி வாருங்கள் . அவன்தான் காரண காரியத்தோட சரியாக சொல்லுவான்'என்றார்.
மந்திரி அந்த குருடனை கூட்டி வந்ததும் ராஜா அவனிடம் 'இது உண்மையான வைரமா.? போலி வைரமா.? அல்லது ரெண்டும் கலந்து இருக்கா' என்று பார்த்து சொல் என்றார்.
அதற்கு அவன் அந்த மொத்த வைரத்தையும் எடுத்து மத்தியான வெயிலில் கொண்டு போய் வெச்சான். கொஞ்ச நேரம் கழித்து அதை கையில் எடுத்து பிரிச்சு.... 'ராஜா இதெல்லாம் உண்மையான வைரம். மற்றது எல்லாம் கண்ணாடி'என்று கூறி பிரித்துக் கொடுத்தான்.
ராஜாவுக்கு ஆச்சர்யம்.
‘எப்படிப்பா கண்டு பிடிச்ச. ? விவரமா சொல்லு’ராஜா.!! வெயில்ல வைரம் சூடாகாது.ஆனா கண்ணாடி சூடாகும். அதனால் சூடானது எல்லாம் கண்ணாடின்னும் சூடு ஆகாதது எல்லாம் வைரம்ன்னும் பிரிச்சேன்' என்றான்.
சந்தோஷமான ராஜா டோக்கன் ஒன்றை அவனிடம் குடுத்து, 'மேற்கு வாசலுக்கு சென்று டோக்கன குடுத்து சாதம் வாங்கி சாப்பிட்டு சந்தோஷமா இரு'ன்னு சொல்லி அனுப்பினார்.
Post a Comment